هاجم الإعلامى عمرو أديب الإعلامى الساخر باسم يوسف، لمؤازرته الفنان الشاب أحمد مالك ومراسل برنامج أبلة فاهيتا ، شادى حسين بعد واقعة إهانتهما لجهاز الشرطة بعد قيامهما بإهانة الشرطة عن طريق شراء واقى ذكرى وإهدائه للشرطة في عيدهم بميدان التحرير.
وقال أديب خلال تقديمه برنامج القاهرة اليوم عبر قناة اليوم ” فى ناس الأخلاق عندها بمكيالين، لو بتشتم الشرطة يبقى حلو، وما ينفعش حد يبقى مع ريهام سعيد، ونجيب ريهام ونوقف برنامجها، اشمعنى يا باسم ريهام وحشة وشادي كويس، اللي عملته ريهام غلط واللي عمله شادي غلط، مش مبرر لأخطاء الشرطة إنك تهينها على الإطلاق “.
وأضاف : ” الفيديو مهين ومسىء وغير إنسانى وغير فنى شىء يخليك عايز ترجع، ولا يا باسم يا حبيبى، إنت غلط، ومينفعش تقود حملة شعواء للوقوف مع هؤلاء الشباب، وأنا ضد الفيديو ده، وتمت إهانة الزي العسكرى”.
وتابع : ” يا باسم إنت غلط وأنا ولا هيهمنى إنك تكتب تويتة تشتمنى فيها ولا تفرق معايا إنت واللى معاك ، زى ما قولت لريهام سعيد إنت غلط يبقى تقول إن الفيديو ده غلط ، إنت بتدخل مصر في حماية الناس دي، مين اللي كان بيحرسك، في حد إداك على قفاك قبل كده، محدش عرف يقربلك لأنهم كانوا بيحموك، الشرطة دى هى اللى كانت بتحميك في عهد الإخوان.