اهتم نشطاء موقع التواصل الاجتماعى تويتر بـ هاشتاج “لو هاعيش على جزيرة هاخد معايا”، حيث تداوله النشطاء بآراء مختلفة وعبر كل منهم خلال تغريداته عن احتياجاته الخاصة.
وجاءت أبرز التعليقات “لو هاعيش على جزيرة هاخد معايا… القرآن الكريم” ، وآخر “سجادة صلاة ومصحف” وتغريدة أخرى ” لو هاعيش على جزيرة هاخد معايا نفسي وبس لأنها دى منتهى أملي في الحياة البعد عن البشر والاكتفاء بروعة صنع الله “، وآخر”مش هاخد حد معايا هو أنا رايح علشان آخد معايا حد”، و “لو هاعيش على جزيرة هاخد معايا ورقة وقلم وكتب كتيييييير”، وعلق آخر بـ”لو هعيش على جزيرة هاخد معايا شواية وهقلبها باربكيو كل يوم”.
وغلبت على التعليقات النوع الفكاهى، فمنها “لو هاعيش على جزيرة هاخد معايا راوتر وواحد من خدمة العملاء يقعد يشغل الراوتر ويطفيه” ، وآخر”لو هاعيش على جزيرة هاخد الببش بتاعى” ، وغيره يغرد بـ”عيش وجبنه وسلطة ومش هاخد التليفوووون خااالص” ، و علق بـ”لو هاعيش فى جزيرة هاخد معايا كيت ابتون تعملى شاى”، و”لو هاعيش على جزيرة هاخد معايا ابو أيه بتاع الكبده بالعربية بتاعته”، ،” لو هاعيش على جزيرة هاخد معايا الشاحن طبعاً بس مش هاخد تليفون”.
و آخرون فضلوا اصطحاب العائلة والأصدقاء حيث علقوا “لو هاعيش على جزيرة هاخد معايا أمى علشان تغير جو” وغيره علق ب”لو هعيش علي جزيرة هاخد معايا الحاج والحاجة…خليهم يعيشولهم يومين بعيد عن البلد والهم”.
وغيرهم من يريدون أهل الفن حيث قال النشطاء ” لو هاعيش على جزيرة هاخد معايا مونيكا بيلوتشى وكيم كاردشيان وسكارليت جوهانسون وصافيناز”، وعلق ناشط اخر بـ “لو هاعيش على جزيرة هاخد معايا عمر طاهر، وانغام ،و ام كلثوم الله يرحمها،وعدوية،وفيروز، ومنير ، وعمرو دياب وقهوة”.