كتب الموزع أحمد إبراهيم على صفحته الرسمية على “فيسبوك” منشورا يكشف حقيقة انفصاله عن أنغام.
وكتب إبراهيم:”الأساتذة الصحفيين اللى بيحاولوا يتواصلوا معايا آسف لعدم الرد.. أحب أوضح .. أنا انفصلت عن أم أولادى فى أبريل 2019 احترامًا لرغبتها ثم رجعتها غيابى لذمتى من مايو 2019 حفاظًا على استقرار أولادى”.
وأضاف فى المنشور :”مستحيل استغنى عنهم مهما تعرضت لضغط حتى لو كلفنى الأمر البعد .. حتى لو اتخلعت من أى طرف يخيرنى بينه وبين أولادى .. هختار راحة أولادى مع حبى الكبير للطرف الغالى ده اللى ما زال هو الآخر “على ذمتى” .. وأقسم بالله لم يحدث أى انفصال “حتى الآن”.. لكن محدش عارف بكرة جايب أيه .. المهم راحة ولادى قبلى شخصيا.. كل ده يا جماعة عشان بوست تحية لأم أولادى نزلته فى يوم المرأة العالمى”.
وكان الموزع الموسيقى، قد وجه رسالة إلى زوجته الأولى، اليوم عبر حسابه الرسمى على الفيسبوك، قائلاً: “فى يوم المرأة العالمى تحية للعظيمة الأمينة اللى صانت بيتى فى غيابى عرفت قيمة ولاد الأصول اللى بيتقوا الله بجد مراتى وام ولادى”.