* المقادير
٢ حبة باذنجان كبير
بصلة كبيرة
٤ حبات طماطم
٥ فصوص ثوم
معلقة صغيرة ملح
رشة فلفل أسود
نصف معلقة صغيرة جنزبيل
١/٤ معلقة صغيرة شطة
١/٢ معلقة صغيرة كركم
ثوم باودر (أو ثوم مهروس)
* طريقة التحضير
– نشوي الباذنجان في فرن سخن حرارة ٢٠٠ (٤٠٠ ف) لمدة ساعة و نسيبها تهدى على جنب.
– نقطع البصل قطع رفيعه و نشوحه في طاسة سخنة على حرارة متوسطه لحد ما لونه يبدأ يصفر (٥ ل ٦ دقائق) … ممكن تشوحوه ببخاخ الزيت او بشوربة (كل ما يبدأ ينشف تزودوا معلقة شوربة) أو بمياه.
– نقطع الطماطم مربعات صغيرة ونضيفها للبصل.
– ننزل الثوم بعد الطماطم على طول ونقلب.
– نضيف التوابل ونقلبهم ونسيبهم يتجانسوا مع بعض لحد ما الطماطم تنزل ميتها ويبدأوا يتسبكوا.
– نضرب الصلصة في الخلاط و ننزلها تاني في الطاسة.(الخطوة دي اختيارية بس عندي مش بيحبوا البصل سليم في الاكل).
نفتح الباذنجان من النص و نطلع كل اللي جواه و ننزله على الصلصة.
– نقلبهم لحد ما يتجانسوا مع بعض (دقيقتين ثلاثة) وندوقهم نتأكد من ملحهم ولو ناقص حاجة نضبطها.
– ننزلهم في طبق التقديم ، وبصحة وهنا.