احس الكثيرون أمس وهم يستمعون إلى كلمة الرئيس عبد السيسى بانه كان فى قمة غضبه من الاعلام لدرجة انته خرج عن شعوره و بدأ متأثراً جدا بانتقاد الاعلام له .
فحينما كان يتحدث عن ازمة الامطار فى الاسكندرية قال موجهًا حديثه للإعلاميين: “هو أنت عشان قدام منك كلام عاوز تقوله تعمل كده فى بلدك ولا إيه ؟ إحنا لازم نتعامل مع الموضوعات بالفهم اللازم .. وأحد الإعلاميين بيقول : الرئيس قاعد مع بتوع سيمنز وسايب إسكندرية تغرق .. مايصحش كده .. هذا أمر لا يليق .. إنتو بتعذبونى إنى جيت هنا ولا إيه؟”.
وأضاف السيسى غاضبًا : ” فيه بعض الناس فى الإعلام مش عارفة ولا فاهمة حاجة ، حاطة ميكروفون قدامها وبتتكلم منه ، إحنا مش بندوس على الزرار ونخلص ، ونقول كل حاجة فيها كارثة ، طيب يعنى الإعلام ما فيهوش كوارث ولا إيه؟”.
وأضاف الرئيس: ” أنا مش زعلان .. بس عاوز حد يقولى أنا اسأت لمين ، اتحدى إن حد يطلع أى تعبير غير مناسب أنا قلته لأى حد حتى للناس اللى بتسىء لينا وتتآمر علينا، المرة الجاية أنا هشتكى للشعب المصرى منكم موجهًا حديثه لبعض الإعلاميين”.
و كان الاعلامى خالد ابو بكر فى قناة الاوربت قد انتقد السيسى أثناء أزمة الاسكندرية بانه كان يقابل مسئولين من شركة سيمينز العالمية بدلا من ان يتفرغ للازمة .