بمناسبة قرب شهر رمضان تقدم لنا الشيف مها من مطبخ “أكلة هنية” بعض النصائح فى تسوية الطعام للحصول على أفضل النتائج.
أولًا المحاشي:
– ورق العنب: طبعا لازم يترص كويس لازق فى بعضه جدا، ويتعصر ليمونة ويتقطع فصين ثوم، وممكن (والخطوة دى اختيارى) إنك تزودى حتة زبدة وتحطى الشوربة، ومجرد ما تغلى؛ تحطيه على نار هادية جدا.
– الباذنجان: يتحشى فى وقتها ويتحط على النار فورا، ما تحشيهوش وتحطيه قبلها فى التلاجة عشان هايجلد منك، وسيبيه على النار يغلى شويه قد 10 دقايق كدا، وبعدين وطى النار بس مش قوى.
– الفلفل والكوسة: عادى ممكن تحشيهم قبلها مفيش مشكلة.
ثانيا البشاميل:
سبيه على الرف اللى فى النص على درجه حرارة 180 وسبيه لحد ما يحمر من غير ما تشغلى الشواية، هايبقى يجنن
ثالثًا البانيه:
تبليه وسبيه فى التلاجة على الرف حوالى 3 أو 4 ساعات، وبعدين ممكن فى دقيق وبيض وبقسماط وعلى الفريزر، وخلى بينهم أكياس بلاستيك ونزليه وقت ما تحتاجيه.
رابعًا السمبوسة:
لو فى الفريزر طلعيها قبلها بشوية عشان تفك عشان ما تتحمرش من برة وتبقى ساقعة من جوة.