هاجمت الفنانة نادية الجندي، عدد من المواقع التي تتلاعب في تاريخ ميلادها، مؤكدة أن جمهورها لن يتأثر بتصرفات هؤلاء المرضى -على حد وصفها- لأن القيمة الحقيقية للفنان تتركز على أعماله دون النظر إلى سنه.
ووجهت الجندي، رسالة شكر لجمهورها، بعد تهنئته لها بعيد ميلادها، حيث كتبت عبر حسابها الشخصي بموقع تحميل الصور “إنستجرام”: “أشكر كل جمهوري الحبيب على تهنئته لي في عيد ميلادي 24 مارس، وبشكر الناس على تعليقاتهم الحلوة اللي أسعدتني على (فيس بوك) وفي كل مكان، والتليفونات اللي جاتلي بشكركم جميعا”.
وأضافت: “أشكر كمان الناس اللي اتريقت على سنة الحياة وعلى كبر الفنان، كأننا إحنا اللي بنكبر بس، اتريقوا على سنة الحياة ورب الكون”.
وتابعت: “بشكر كمان الناس اللي بتتلاعب كل شوية في تاريخ ميلادي على المواقع والصفحات والنت، مرة 1948 ومرة 1945 ومرة 1940 والنكتة بقا والكدب والافتراء كاتبين مؤخرا 1938، على أساس إن ده هيأثر على حب الناس ليا، ناس مريضة، وعموما في النهاية الفنان الحقيقي بقيمة الأعمال اللي قدمها والبصمة اللي سابها، مش سنه ولا عمره كام، بشكركم على حبكم ليا”.