النهاردة انا عاوزه ابعت رسالة لحبيبي اللي كان زعلان مني
وهشاهدكم عليه بصوا بقي
انا: هو فيه؟! طيب ايه اللى حصل؟! انا عملت ايه؟!
و دى كانت اول خناقة يا سادة
… سوء تفاهم بسيييييييط ممكن يتحل بكلمة بس كالعادة كلمة منه على كلمة منى و الحب ولع فالدرة.
مفهوم طبعا ان الراجل راجل و الست ست بس و النعمة معملتش حاجة تزعله..
يرضيكم يقولى مش هشوفك النهارده؟!!
و هو أصلا كان واحشني قوى.. اه والله كان واحشني جداً.
طبعا كرمشلى مشاعرى قولتله «لاء» مش النهارده بس خليها على طول .
و هنا توقف الزمن للحظة what the hell ازاى انا قولت كده !!! طبعا .
و بمنتهى الشياكة كتبلى قصيده مقدرتش افتح بقى بعدها (أصله محامى) انا تقريبا بتهزء ولا ايه؟!!.
طب ايه ده هو مش هيصلحنى ولا ايه؟!! .
طب ايييه!!! يا بيه.. طب نقسم البلد نصين يا برنس.
أبدا خلاص مش عاوز يكلمني المهم نمت طبعا انا وهو زعلانين و كانت ليله كلها كوابيس و قلق.
و كمان مقدرتش أروح الشغل.
قومت الصبح و قولت مبدهاش بقه.. استعنا «ع الحونين» واتصلت بيه
انا: مش هتصالحنى بقه انت وحشتني قوى
هو: و انت كمان وحشتينى
انا من غير صوت: « و جون و جون و جون و جووووووووووووووون
انا: مكنش قصدى ازعلك am sorry
هو: يومى كان وحش من غيرك امبارح هشوفك النهارده؟!
انا: اكييييييييد متزعلش مني